Plantun de Prouvènço

Pèr coumpara dos planto d'encò nostre

Drymochloa sylvatica & Grimmia orbicularis

Drymochloa sylvatica

Poaceae Graminaceae

Nom en français : Fétuque des bois.

Descripcioun :
La petugo-de-fourèst trachis en mato dins li séuvo fresco de mountagno. Li fueio soun larjo de 4 à 14 mm, quàsi lisco e proun plegadisso. La paumo èi pulèu claro emé d'espigueto de 5 à 8 mm emé 2 à 5 flour. Li lemma soun pouchudo mai pas barbudo. Lou gènre Drymochloa se destrìo de Festuca qu'a de fueio sènso auriheto (fotò).

Usanço :
Es uno bono planto pasturiero.

Port : Grando erbo
Taio : 0,5 à 1,2(2) m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Drymochloa
Famiho : Poaceae
Famiho classico : Graminaceae

Coulour de la flour : Verdo
Petalo : ges
Ø (o loungour) enflourejado : 10 à 15 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à avoust

Liò : Faio - Blachiero - Fourèst fresco - Mountagno mejano
Estànci : Mountagnard à Subaupen
Couroulougi : Éuropenco
Ref. sc. : Drymochloa sylvatica (Pollich) Holub, 1984 (= Festuca altissima All., 1789 )

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.